ამის შესახებ Biletebi.ge ფეისბუქგვერდზე წერს.

რატომ არის მნიშვნელოვანი: 2 სექტემბერს გავრცელდა ინფორმაცია, რომ ანდრეი მაკარევიჩისა და მაქსიმ გალკინის ძველ სპორტის სასახლეში დაგეგმილი კონცერტი გაუქმდა.

  • Biletebi.ge წერდა, რომ 3 კონცერტის ორგანიზატორს დარბაზის მიერ უარი ეთქვა, რისი ფორმალური მიზეზიც სარემონტო სამუშაოები იყო, თუმცა რეალურად, ეს პოლიტიკური კონტექსტის გამო მოხდა.
  • მათ კულტურის სამინისტროს ღია წერილით მიმართეს, უწყებამ კი ინფორმაციას არასწორი უწოდა.

სამინისტრო ამბობდა, რომ საქმე ყალბი ინფორმაციის გავრცელებას ეხება, რადგან ძველი სპორტის სასახლე უწყების მმართველობაში მოქმედი ორგანიზაცია არაა, შესაბამისად კონცერტის ჩატარების საკითხი სამინისტროს კომპეტენციას სცილდება.

  • On.ge-ს კი მაშინ სპორტის სასახლის ხელმძღვანელმა განუცხადა, რომ ეგონათ სარემონტო სამუშაოებთან დაკავშირებული პრობლემა აღმოიფხვრებოდა და მოასწრებდნენ, თუმცა ის "კიდევ უფრო დამძიმდა".

დეტალები: Biletebi.ge-ის თქმით, მაშინ ვრემენის კონცერტი 7 აპრილს თბილისის საკონცერტო დარბაზში ჩატარდება და აქვე მიუთითებენ, რომ საბოლოო დასტურს ელოდებიან.

  • "ყველა გაყიდული ბილეთი იქნება ძალაში. მაქსიმ გალკინის კონცერტის ახალი თარიღი დაიდება უახლოეს მომავალში" — წერენ ისინი.

გალკინმა და მაკარევიჩმა უკრაინაში ომი დაგმეს და კრემლის პოლიტიკა ღიად გააკრიტიკეს.

  • მაქსიმ გალკინმა რუსეთის უკრაინაში შეჭრის შემდეგ ქვეყანა დატოვა.