ადგილობრივი ხელისუფლების თქმით, მექსიკის საკურორტო ქალაქის კანკუნის განრისხებული მოსახლეობა შეიჭრა რუსეთის მოქალაქის ბინაში და სასტიკად სცემა მას. ინციდენტის მიზეზი გახდა აღნიშნული პირის მიერ ინტერნეტ სივრცეში მრავალჯერ გამოქვეყნებული ვიდეოები, რომლებზეც აღბეჭდილი იყო მის მიერ მექსიკელთა შეურაცხყოფა.

გილერმო ბრამსმა, ბენიტო ხუარესის მუნიციპალიტეტის გენერალური მდივანმა, როიტერსს უთხრა, რომ 42 წლის ალექსეი მაკეევმა სასიკვდილოდ დაჭრა პარასკევს, მის ბინაში შეჭრილი 19 წლის ახალგაზრდა.

ინტერნეტსა და ადგილობრივი მედიაში გამოქვეყნებულ ვიდეოზე ასახულია გამძვინვარებული ადამიანები როგორ ამსხვრევენ მაკეევის ბინის ფანჯრებს, კარს უშენენ ჯოხებსა და ქვებს. ერთ-ერთ ვიდეოში ასევე ჩანს სისხლიანი მაკეევი, რომელიც ხალხის თავდასხმისგან ცდილობს თავის დაღწევას. პოლიციამ შეძლო მისი დაცვა თავდასხმისგან და როიტერსის თქმით, ამჟამად იგი პოლიციის დაცვის ქვეშ იმყოფება.

ვიდეოში, რომელიც ადგილობრივმა მედიამ გამოაქვეყნა და რომელიც გადაღებულია მაკეევის მიერ, ისმის როგორ ეძახის ის მამაკაცს, ბავშვით ხელში, ბინძურ ნაძირალას. მეორე ვიდეოში კი ჩანს როგორ არღვევს ის სანაპიროზე მსხდომი ოთხი ბიჭის წრეს და ფეხით დგება მათ პიცაზე. ზოგიერთი ვიდეო შეიცავს ჰეშტეგს #Lord NaziRuso, ერთ-ერთში კი ჩანს კედელზე დახატული სვასტიკის წინ მდგომი მაკეევი. YouTube-ის ანგარიში, რომელიც მას ეკუთვნის, გაუქმებულია, რადგან მან მრავალჯერ დაარღვია YouTube-ის აკრძალვა სიძულვილის ენის გამოყენებასთან დაკავშირებით.

დაუზუსტებელია, რა დროის განმავლობაში იმყოფებოდა მაკეევი მეექსიკაში, მაგრამ კანკუნის ტურისტული კომპანიის, Aquaworld-ის განცხადებაში, რომელიც პარასკევს გამოქვეყნდა, ნათქვამია, რომ თანამშრომლობა მასთან 2015 წლის ნოემბერში, აგრესიული ქმედების გამო შეწყდა..