ამის შესახებ პრეზიდენტმა ყოველდღიურ ვიდეომიმართვაში ისაუბრა.

რატომ არის მნიშვნელოვანი: 29 აგვისტოს სამხრეთის მიმართულებით უკრაინა შეტევაზე გადავიდა და ამ დროისთვის უკვე აქვს გარკვეული წარმატება.

  • ომის კვლევის ინსტიტუტის (ISW) ანგარიშის მიხედვით, 9 სექტემბრისთვის უკრაინულმა ძალებმა გაათავისუფლეს დაახლოებით ტერიტორიის 2 500 კვადრატული კილომეტრი ხარკოვის ოლქში.

დეტალები: ზელენსკი ამბობს, რომ ეტაპობრივად მყარდება კონტროლი ახალ დასახლებებზე და ყველგან უკრაინის დროშას აბრუნებენ.

  • "ჩვენი არმია, უკრაინის დაზვერვისა და უსაფრთხოების სამსახური რამდენიმე ოპერატიული მიმართულებით წარმატებით აგრძელებს აქტიურ მოქმედებას".

გარდა ამისა, უკრაინა სამხრეთის, ხერსონის ოლქის მიმართულებითაც განაგრძობს კონტრშეტევას.

  • უკრაინის თავდაცვის სამინისტროს ინფორმაციით, ფრონტის ხაზი ამჟამად 2,5 ათას კმ-ზეა გადაჭიმული, აქედან 1,3 ათას კილომეტრზე აქტიური საომარი მოქმედებები მიმდინარეობს.