NDI-ის კვლევით, გამოკითხული მოსახლეობის 43 პროცენტი ეთანხმება რომ სახელმწიფომ ეკლესიისთვის ყოველწლიურად 25 მილიონის გამოყოფა უნდა გააგრძელოს. ხოლო, 14 პროცენტი მიიჩნევს, რომ სახელმწიფომ უნდა გაზარდოს ეკლესიისთვის გამოყოფილი თანხა.

გამოკითხულთა მხოლოდ 20 პროცენტი ფიქრობს რომ საპატრიარქოსთვის ყოველწლიურად თანხის ბიუჯეტიდან გამოყოფა უნდა შემცირდეს, რვა პროცენტს კი მიაჩნია, რომ საერთოდ არ უნდა გამოიყოს თანხა ეკლესიისთვის.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.