NDI-ის უახლეს კვლევაში, კითხვაზე, როგორი მიმართულებით ვითარდება საქართველო, გამოკითხულთა მხოლოდ 4 პროცენტი აცხადებს, რომ საქართველო სწორი მიმართულებით ვითარდება.

გამოკითხულთა 31% მიიჩნევს, რომ საქართველო საერთოდ არ იცვლება, ხოლო 13 პროცენტი აცხადებს, რომ საქართველო ნამდვილად არასწორი მიმართულებით ვითარდება.

აღნიშნული 4 პროცენტიდან, 63% ქართული ოცნების მომხრეა, ხოლო იმ 13 პროცენტიდან, რომელიც საქართველოს განვითარებას ცალსახად უარყოფითად აფასებს, ერთიანი ნაციონალური მოძრაობის მომხრეა 56%.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.