უკრაინის შეიარაღებულმა ძალებმა ხერსონის რაიონში, ოკუპანტების სამეთაურო შტაბი დაბომბეს. პრეზიდენტის აპარატის უფროსის მრჩეველის, ალექსეი არესტოვიჩის განცხადებით, იქ 50-მდე რუსი ოფიცერი იყო.

"სასიამოვნო ამბებიდან: ხერსონის რაიონში ჩვენ დავბომბეთ მოწინავე სამეთაურო შტაბი, არმიის დონი. იქ 50-მდე უფროსი რუსი ოფიცერი იყო. მათი ბედი უცნობია, მაგრამ დიდხანს ფეთქდებოდა", — განაცხადა მან ეთერში.

არესტოვიჩის თქმით, ოკუპანტებმა შეძლეს მცირედი წინსვლა ზაპოროჟიესა და იზიუმის მიმართულებით.

"საკითხავია — წინ წავიდნენ იმიტომ, რომ დაამარცხეს ჩვენები, თუ იმიტომ, რომ ჩვენებმა უკან დაიხიეს და შემოუშვეს? ეს ყველაფერი კილომეტრიანი წინსვლაა, რომელიც საერთოდ არ შეესაბამება "ოპერაციის" გაცხადებულ მიზნებს, არც სულს და არც იმ ასოს (Z)", — განაცხადა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში