უკრაინის პრეზიდენტის, ვოლოდიმირ ზელენსკის განცხადებით, სააღდგომოდ ცეცხლის შეწყვეტაზე უარის თმით, აჩვენა აჩვენა რა დამოკიდებულება აქვს რუსეთს რწმენასთან. ის ამბობს, რომ მაინც აქვს იმედი იმისა, რომ სიცოცხლე სიკვდილზე გაიმარჯვებს.

"სამწუხაროდ, რუსეთმა სააღდგომოდ ცეცხლის შეწყვეტის შესახებ შეთავაზებაზე უარი თქვა. ეს კარგად მეტყველებს იმაზე, თუ როგორი დამოკიდებულება აქვს ქრისტიანულ რწმენასთან ამ ქვეყნის ხელისუფლებას, ერთ-ერთ ყველაზე სასიხარულო და მნიშვნელოვან დღესასწაულის მიმართ. მაგრამ ჩვენ იმედი გვაქვს — მშვიდობის იმედი, იმედი მაქვს, რომ სიცოცხლე სიკვდილზე გაიმარჯვებს", — თქვა მან.

19 აპრილს გაეროს გენერალურმა მდივანმა გამოაქვეყნა მოწოდება, 24 აპრილიდან შეწყვეტილიყო ცეცხლი, რათა ჰუმანიტარული დერეფნები გაეხსნათ.

გუშინ, 21 აპრილს კი გაეროს უშიშროების საბჭოზე რუსეთის წარმომადგენელმა თქვა, რომ "ძალიან ყალბად და არაგულწრფელად ჟღერს მშვიდობისკენ და ცეცხლის შეწყვეტისკენ მოწოდებები". რუსეთი ამტკიცებს, თითქოს ცეცხლის შეწყვეტისა და ჰუმანიტარული დერეფნების გახსნის შემდეგ, უკრაინა რეორგანიზება მოახდენს.