იუსტიციის უმაღლესი საბჭოს თავმჯდომარის მოადგილე, ლევან მურუსუძე ამბობს, რომ საბჭოს სურდა რუსთავი 2-ზე წლების წინ გასული გადაცემის (პროკურორის) მსგავსი პროექტი დაეწყო. მურუსიძე ამბობს, რომ მას ის პროექტი მოსწონდა.

"აღმოჩნდა, რომ პირველი დარტყმა მივიღეთ რუსთავი 2-სგან, რატომ ვიღებთ, რატომ ვართ ახლა ჩვენ უნიათოები, რატომ ვართ უუნაროები? და რატომ იყო მაშინ ის გადაცემა კარგი?" - ამბობს იუსტიციის უმაღლესი საბჭოს თავმჯდომარის მოადგილე.

გუშინ ტელეკომპანია რუსთავი 2-მა იუსტიციის უმაღლესი საბჭოს 11 აპრილის სხდომის შესახებ მასალა მოამზადა. სხდომაზე იუსტიცის საბჭოსა და მედიასაშუალებების წარმომადგენლები სასამართლო სისტემის პოზიტიურად გაშუქების შესახებ საუბრობდნენ.