გერმანიის პრეზიდენტის, ფრანკ-ვალტერ შტაინმაიერის ნაცვლად, უკრაინაში კანცლერი, ოლაფ შოლცი მიიწვიეს. ამის შესახებ ინფორმაციას DW ავრცელებს.

"ჩვენ განვაცხადეთ, რომ ჩვენი პრეზიდენტი და ჩვენი მთავრობა ძალიან მოხარულები იქნებიან, თუ კიევს კანცლერი შოლცი ეწვევა", — განაცხადა უკრაინის ელჩმა ბერლინში, ანდრი მელნიკმა.

მედია წერს, რომ როგორც მელნიკმა თქვა, შოლცის ვიზიტის დროს მთავარი საკითხი უკრაინისთვის მძიმე შეიარაღების მიწოდება უნდა იყოს.

გუშინ, 12 აპრილს ცნობილი გახდა, რომ გერმანიის პრეზიდენტი კიევში ვიზიტს გეგმავდა პოლონეთის პრეზიდენტთან, ანდჟი დუდასთან და ეტონელ, ლიეტუველ, ლატვიელ კოლეგებთან ერთად, თუმცა ვოლოდიმირ ზელენსკიმ მასთან შეხვედრა არ მოისურვა.

"ეს სასურველი არ აღმოჩნდა კიევისთვის", — თქვა შტაინმაიერმა.

დღეს პოლონეთის, ლიეტუვას, ლატვიისა და ესტონეთის პრეზიდენტები კიევში გაემგზავრნენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში