უკრაინის პრეზიდენტის ადმინისტრაციის უფროსის მრჩევლის, მიხაილო პოდოლიაკის განცხადებით, უკრაინის პრეზიდენტი, ვოლოდიმირ ზელენსკი რუსეთის პრეზიდენტს, ვლადიმერ პუტინს მას შემდეგ შეხვდება, რაც დიდ ბრძოლებში, მათ შორის, დონბასში გამარჯვებას მოიპოვებს.

"მხოლოდ იმის თქმა, რომ ჩვენ ერთ-ორ კვირაში პრეზიდენტების დონეზე შევხვდებით... არა, ეს არ მოხდება. უკრაინა მზად არის დიდი ბრძოლებისთვის, უკრაინამ უნდა მოიგოს ეს ბრძოლები, მათ შორის, დონბასში. რის შემდეგაც უკრაინა მოლაპარაკებებში უფრო არსებითი პოზიციის მიღებას შეძლებს. საიდანაც მას შეეძლება გარკვეული პირობების კარნახი. ამის შემდეგ პრეზიდენტები შეხვდებიან. შეიძლება ამას ორი კვირა დასჭირდეს, შეიძლება სამი", — განაცხადა მან.

პოდოლიაკის თქმით, უკრაინა ყოველდღიურად ძალიან ძვირს იხდის გამარჯვებისთვის, ყოველდღიურად კარგავს ხალხს, და ნადგურდება მისი ინფრასტრუქტურა.

"რუსეთმა იმპერიალისტური ილუზიები უნდა მოიშოროს. უკრაინა ერთადერთი სახელმწიფოა მსოფლიოში, რომელიც ამას გააკეთებს. არ აქვს მნიშვნელობა რამდენი ხანი დაგვჭირდება. ჩვენ გავაკეთებთ ყველაფერს, რომ უკრაინის უსაფრთხოებისთვის ძლიერი გარანტიები მივიღოთ, რათა სამუდამოდ დავუკეტოთ ჩვენი საზღვრები რუსეთის ფედერაციის მსგავსი ქვეყნების იმპერიულ ამბიციებს", — ამბობს ის.