ლუგანსკის დე ფაქტო რესპუბლიკამ აფხაზეთის დე ფაქტო რესპუბლიკის დამოუკიდებლობა აღიარა. განკარგულებას ხელი მოაწერა ოკუპირებული ტერიტორიის ლიდერმა, ლეონიდ პასეჩნიკმა.

სეპარატისტული რეგიონის მიერ კონტროლირებადი გამოცემის მიხედვით, პასეჩნიკმა თქვა, რომ აფხაზეთის დე ფაქტო რესპუბლიკამ მიიღო ლტოლვილები, შეაგროვა ჰუმანიტარული დახმარება და ლუგანსკის დე ფაქტო რესპუბლიკის "მადლიერებამ არ დააყოვნა".

ოკუპირებული რეგიონის, აფხაზეთის ე.წ. პრეზიდენტმა, ასლან ბჟანიამ, უკრაინის ოკუპირებული ტერიტორიები, ლუგანსკი და დონეცკი რუსეთის უკრაინაში შეჭრიდან მეორე დღეს, 25 თებერვალს ე.წ. "დამოუკიდებელ რესპუბლიკებად გამოაცხადა".