ბრაზილიის პრეზიდენტმა ჟაირ ბოლსონარუმ კვირას უკრაინის პრეზიდენტი ზელენსკი გააკრიტიკა. მისი პოზიციაა, რომ ბრაზილია ამ ომში ნეიტრალური უნდა დარჩეს და რუსეთს სანქციები არ უნდა დაუწესოს.

პრესკონფერენციაზე ბოლსონარუმ ისიც თქვა, რომ უკრაინელებმა ერის ბედი კომიკოსს ანდეს, რითაც ზელენსკის სამსახიობო / კომედიურ წარსულზე მიანიშნა.

ბოლსონარუმ ხაზი გაუსვა, რომ ბრაზილია რუსულ სასუქზეა დამოკიდებული და ნებისმიერი სანქცია "ბრაზილიის აგრიკულტურას დააზიანებს". როცა პრეზიდენტს კითხვა დაუსვეს უკრაინაში მიმდინარე სისხლისღვრასთან დაკავშირებით, მან თქვა, რომ "სისხლისღვრა გაზვიადებულია, ხოლო ლუგანსკი და დონეცკი დამოუკიდებელი რეგიონებია".

ბოლსონარუ ვლადიმერ პუტინს მოსკოვში 16 თებერვალს შეხვდა.

ამავე თემაზე: ბოლსონარუ ამბობს, რომ არ გმობს რუსეთის შეჭრას უკრაინაში

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში