საზოგადოებრივი მაუწყებელი 2017-2018 წლის საეთერო სეზონისთვის მხატვრული სერიალების სცენარების შესარჩევად კონკურსს აცხადებს.

მაუწყებელი ეთერში ორი სერიალის გაშვებას გეგმავს, ერთი მძაფრსიუჟეტიანი/დეტექტიური ჟანრის იქნება, მეორე კი - მელოდრამა.

საზოგადოებრივი მაუწყებელი 8-თვიან ხელშეკრულებაში ორ სცენარისტსა და ორ რეჟისორს ჯამში 108 ათას ლარს გადაუხდის.

კონკურსი ჩატარდება ორ ეტაპად და მასში მონაწილეობის მიღება შეუძლია ყველა მსურველს. წარდგენილ განცხადებებს შეარჩევს/შეაფასებს საკონკურსო კომისია.

შეფასება მოხდება ორ ეტაპად - პირველ ეტაპზე კომისიის წევრები ინდივიდუალურად, ქულებით აფასებენ წარმოდგენილ სცენარებს, განსაზღვრული კრიტერიუმების მიხედვით, მეორე ტურში გადასულ კანდიდატებს მიიწვევენ პროექტის საპრეზენტაციოდ.

კომისიის წევრები, კენჭისყრის საფუძველზე გამოავლენენ თითოეულ ჟანრში თითო საუკეთსო სცენარს. საუკეთესოდ დასახელდება სცენარი, რომელიც კენჭისყრის შედეგად მიიღებს კომისიის წევრთა სრული შემადგენლობის უბრალო უმრავლესობას.

განაცხადები მიიღება 30 აპრილის ჩათვლით.