საქართველოს მთის კურორტების ცნობით, ბაკურიანში, მიტარბზე გაჩერებული საბაგიროდან მგზავრების ჩამოყვანა დასრულდა. ამის შესახებ კომპანია ოფიციალურ განცხადებას ავრცელებს.

"ადგილზე მობილიზებული იყო სამაშველო სამსახურის ყველა თანამშრომელი, რომლებიც ახორციელებდნენ დამსვენებლების უსაფრთხო ჩამოყვანას საბაგიროდან. სამაშველო ოპერაცია წარმატებით დასრულდა", — ვკითხულობთ განცხადებაში.

დღეს ბაკურიანში ერთ-ერთი საბაგირო დროებით გაჩერდა. როგორც On.ge-ის მთის კურორტების განვითარების კომპანიაში განუცხადეს, გაჩერება ძაბვის ვარდნის გამო მოხდა.