ოთხ მინისტრს კორონავირუსი აქვს. ამის შესახებ ინფორმაცია On.ge-ს მთავრობის ადმინისტრაციაში დაუდასტურეს.

ვირუსი აქვთ განათლების მინისტრ მიხეილ ჩხენკელს, გარემოს დაცვისა და სოფლის მეურნეობის მინისტრ ლევან დავითაშვილს, თავდაცვის მინისტრ ჯუანშერ ბურჭულაძესა და ინფრასტრუქტურის მინისტრ ირაკლი ქარსელაძეს. ისინი დღეს მთავრობის სხდომას არ დასწრებიან.

24 იანვრის მონაცემებით, საქართველოში კორონავირუსის 7 947 ახალი შემთხვევა დადასტურდა, გამოჯანმრთელდა — 5 550, ხოლო გარდაიცვალა 31 ადამიანი.