ქართული ოცნების თავმჯდომარე ირაკლი კობახიძე ერთიანი ნაციონალური მოძრაობის განცხადებასთან დაკავშირებით ამბობს, რომ არ აინტერესებთ მათი განცხადებები და აპირებენ, რომ იმოქმედონ საკუთარი დღის წესრიგის შესაბამისად.

"ჩვენ არ გვაინტერესებს რეალურად მათი განცხადებები, მათ შეუძლიათ ულტიმატუმებიც დააყენონ, დაუყენებიათ კიდეც წარსულში, მაგრამ ჩვენ გვაქვს ჩვენი დღის წესრიგი და რა თქმა უნდა, ვიმოქმედებთ ჩვენი დღის წესრიგის შესაბამისად. რაც იქნება საჭირო საქმისთვის, გავაკეთებთ მხოლოდ და მხოლოდ იმას", — თქვა კობახიძემ.

ნაციონალური მოძრაობის ერთ-ერთი ლიდერის, ხატია დეკანოიძის განცხადებით, თუ დაინახავენ, რომ ყოფილი პრეზიდენტის მიხეილ სააკაშვილის საქმეზე საგამოძიებო კომისიის შექმნა შესაძლებელია, პარლამენტში შევლენ.