ქართული ოცნების ყოფილი დეპუტატი და საკონსტიტუციო სასამართლოს მოსამართლე მანანა კობახიძე დააწინაურეს. კერძოდ, ის საკონსტიტუციო სასამართლოს თავმჯდომარის მოადგილე და მეორე კოლეგიის თავმჯდომარე გახდა. ხოლო საკონსტიტუციო სასამართლოს მდივანი გახდა.

სასამართლოში აცხადებენ, რომ გადაწყვეტილება პლენუმმა მიიღო. მათივე თქმით, კობახიძე 2018 წლის 12 იანვრიდან იკავებდა საკონსტიტუციო სასამართლოს მდივნის თანამდებობას, რომელზეც ახლა გიორგი თევდორაშვილი აირჩიეს.

22 სექტემბერს საქართველოს დემოკრატიულმა ინიციატივამ (GDI) კობახიძის მიმართ დისციპლუნური წარმოების დაწყება მოითხოვა. გარდა ამისა, ორგანიზაციამ შუამდგომლობით მიმართა საკონსტიტუციოს და საქმეზე ანი გაჩეჩილაძე საქართველოს პარლამენტის წინააღმდეგ კობახიძის აცილება მოითხოვა.

შუამდგომლობის საფუძველი 2020 წლის 13 სექტემბერს გავრცელებული ფარული ჩანაწერები გახდა, რომლებშიც პროტოპრესვიტერ გიორგი ზვიადაძესა და მანანა კობახიძეს საუბრის ჩანაწერის კრებსი იყო. ფაილების თანახმად, ზვიადაძემ კობახიძეს საქმის დეტალებზე სასაუბროდ დაურეკა და უთხრა, რომ საპატრიარქო პრეზერვატივ აიისას საქმეზე მიმდინარე სასამართლო პროცესს თვალს ადევნებს; კობახიძემ კი, რომელიც აიისას საქმეზე მუშაობდა, ზვიადაძეს აცნობა, რომ ეკლესიის პოზიციას იზიარებს.

GDI მიიჩნევს, რომ მოცემულ კონსტიტუციურ დავასთან მიმართებით, მოსამართლე მანანა კობახიძის მიმართ არსებობს საფუძვლიანი ეჭვი და მტკიცებულებები მის დამოუკიდებლობასა და მიუკერძოებლობასთან დაკავშირებით, რაც საქართველოს საკონსტიტუციო სასამართლოს მოსამართლის მაღალი სტატუსთან არ თავსდება და ის ანი გაჩეჩილაძის საქმის განხილვას უნდა ჩამოცილდეს. არასამთავრობო ორგანიზაციის შეფასებით, აღნიშნული ფაქტები საერთაშორისო სტანდარტებით დადგენილ მოსამართლის მიუკერძოებლობის სუბიექტურ და ობიექტურ ასპექტებს არღვევს.