თუ ხელფასის დიდი ნაწილი აუცილებელ საჭიროებებზე გეხარჯება და მრავალი მიზანი შეუსრულებელი გრჩება, შეგიძლია მორჩენილი ფული გადათვალო და ისეთი სურვილები გაიხსენო, რასაც მცირე თანხითაც აისრულებ.

თბილისში 10 ლარადაც კი შეგიძლია დრო სასიამოვნოდ გაატარო. ამ სტატიაში კი იმ 12 რამის შესახებ წაიკითხავ, რისი შეძენაც სულ რაღაც 12 ლარად შეგიძლია.

1. სამაგიდო თამაში

სამაგიდო თამაშები დროის სასიამოვნოდ გატარებისა და განტვირთვის კარგი გზაა, რაც ძვირიც არ ჯდება. ერთ-ერთი ასეთი თამაში უნოა — შეგიძლია ბანქო შეიძინო, მეგობრები შეკრიბო და მხიარული საღამო გაატარო. უნო საკმაოდ აზარტული თამაშია, რომელსაც კარგა ხანს ვერ მოიბეზრებ.

2. დონატები

სამაგიდო თამაშებს გემრიელი სასუსნავიც უხდება, თანაც ტკბილეული ვის არ უყვარს. მცირე შეფუთვა 6 დონატს აერთიანებს და საკმაოდ იაფი ღირს, სულ რაღაც 12 ლარი. შეგიძლიათ მეგობრებმა დონატების ფული შეკრიბოთ ან გემრიელი ჯარიმის გადახდა თამაშში წაგებულს დააკისროთ.

3. მცენარე

ზოგიერთი მცენარე საკმაოდ ძვირი ღირს, მაგრამ უმეტესობა ხელმისაწვდომ ფასადაც შეგიძლია შეიძინო, ამიტომ სახლში ჰარმონიის დამყარება მცირე ბიუჯეტითაც შეგიძლია. თანაც, მცენარეები სტრესის მოხსნაში გვეხმარებიან და თუ საფულეში მხოლოდ 12 ლარი შემოგრჩა, დროა მცენარე შეარჩიო.

4. ოქროს თევზი

თუ 12 ლარიღა დაგრჩა და სურვილების ასრულება გინდა, ოქროს თევზზე უკეთესს ვერაფერს შეიძენ. თუ მცირე თანხით შეძენილი მეგობარი სურვილების ასრულებაზე უარს გეტყვის, საკუთარი სილამაზით მაინც მოგხიბლავს.

5. თიბისი დაზღვევის პაკეტი

არ აქვს მნიშვნელობა შენი ოქროს თევზი სურვილს აგიხდენს და ახალ სახლში იცხოვრებ, თუ შენს ბინაში განაგრძობ ცხოვრებას. თიბისი დაზღვევის ბინის დაზღვევა მაინც დაგჭირდება, რომლითაც ავეჯს, საყოფაცხოვრებო ტექნიკასა თუ რემონტს სულ რაღაც 12 ლარიდან დააზღვევ.

6. ზაზუნა

სტრესის მოხსნაში ცხოველებიც გვეხმარებიან. ზაზუნა კი ყველაზე იაფი და მარტივად მოსავლელი ცხოველია, რომელიც განწყობას გამოგიკეთებს და შენი საუკეთესო მეგობარი გახდება. ამიტომ ხელფასიდან მორჩენილი ფულით ეს საყვარელი მღრღნელი უნდა დაიმეგობრო.

7. წყლის სათბურა

ზამთარი დადგა და მარტოხელების შუცვლელი მეგობარი აუცილებლად უნდა გავიხსენოთ. ზამთრის სიცივეში წყლის სათბურას არაფერი შეედრება, თანაც იაფი და პრაქტიკულია.

8. წინდები

ზამთრის სიცივე რაკი ვახსენეთ, არც ღუნღულა წინდები დავივიწყოთ, რომელიც არამხოლოდ მარტოხელებს ათბობს. თანაც, ეს იაფი ნივთი მოდური გარდერობის ნაწილადაც კი იქცევა.

9. სახტუნაო

ფორმაში ჩადგომა და სხეულის გაკაჟება თუ გსურს, მაგრამ დარბაზში სიარულისთვის ფული ან დრო არ გრჩება, სახტუნაო უნდა იყიდო. ამ ნივთის გამოყენება ყველამ ვიცით, ბავშვობაში მაინც გვითამაშია, ამიტომ ჯანმრთელობაზე იაფად და მარტივად შეგვიძლია ვიზრუნოთ.

10. წიგნის სანათი

წიგნის ჭიებს სასიამოვნო დროის გატარება მაშინაც კი შეუძლიათ, როცა საფულეში ფული აღარ აქვთ. ეს ნივთი კი კითხვის პროცესში დაგეხმარება. შეგიძლია წიგნის სანათი იაფად შეიძინო და გვიანობამდე სხვადასხვა თავგადასავალში გადაეშვა.

11. წიგნი

წიგნის სანათი თუ იყიდე და მიხვდი, რომ წასაკითხი წიგნებიც აღარ მოგეძებნება, შეგიძლია ახალი საკითხავი შეარჩიო. შენთვის სასურველ ლიტერატურას 12 ლარადაც იპოვი. ასე რომ, შენს წინაშე დიდი არჩევანი და მრავალი ახალი მოგზაურობაა.

12. მუზეუმის ბილეთი

თუ დროის შემეცნებით აქტივობებზე დახარჯვა გინდა, მაგრამ წიგნის კითხვის ნაცვლად რაიმე ახალს ეძებ, შეგიძლია მუზეუმს ესტუმრო. ეს ძვირი სულაც არ ღირს, შეარჩიე შენთვის საინტერესო მიმართულება, შეიძინე მუზეუმის ბილეთი და შეიმეცნე.