მედიის განვითარების ფონდმა "მედიის ფინანსური გამჭვირვალობის" შესახებ კვლევა ჩაატარა. კვლევის მიხედვით, 2016 წლის მონაცემებით, მედია ბაზარზე რუსთავი 2 დომინირებდა. მისმა შემოსავალმა 41,7 მილიონი ლარი შეადგინა, რაც 2015 წელთან შედარებით 3,7 მლნ ლარით მეტია. რუსთავი 2-ის შემდეგ ტელეკომპანიების ფინანსური შემოსავლები ასე გადანაწილდა:

  • იმედი - 26,2 მლნ ლარი;
  • საქართველოს მედია ქსელი - 6,5 მილიონი ლარი;
  • მაესტრო - 5,4 მილიონი ლარი;
  • GDS - 2,9 მილიონი ლარი.

ფოტო: MDF

MDF-ის კვლევის თანახმად, 2016 წელს გაიზარდა შედარებით მცირე ტელევიზიების შემოსავლებიც. აღსანიშნავია ტელეკომპანია პირველის შემოსავლების მკვეთრი ზრდა, რომელმაც 413% შეადგინა.