საგარეო საქმეთა სამინისტრო მიმდინარე წლის მარტიდან მუშაობას ავლაბრის რეზიდენციიდან აგრძელებს. ამის შესახებ ინფორმაციას BMG ავრცელებს.

მათი ცნობით, ლეონიძის ქუჩის #3-ში მდებარე ეროვნული ბანკის ყოფილ შენობაში, სადაც საგარეო უწყება 2023 წელს განთავსდა, ამჟამად მხოლოდ საკონსულო და ადმინისტრაციული დეპარტამენტებია დარჩენილი.

საგარეო საქმეთა სამინისტროს ავლაბრის რეზიდენციაში გადასვლის ფაქტი BMG-ის მთავრობის ადმინისტრაციის პრესსამსახურმა უკვე დაუდასტურა.

აღსანიშნავია, რომ მიმდინარე წლის 27 აპრილს საგარეო უწყების ხელმძღვანელმა, მაკა ბოჭორიშვილმა, ევროკავშირის ელჩი პაველ ჰერჩინსკი სწორედ ავლაბარში, ცერემონიების სასახლეში მიიღო.