"ადამიანი, რომელიც ამ პრემიას მიიღებს არის ქალი, რომელსაც ჩემს გულში სრულიად განსაკუთრებული ადგილი უჭირავს", — ამ სიტყვებით მიმართა ედუარდ შევარდნაძის შვილიშვილმა, სოფო შევარდნაძემ რუსეთის საგარეო საქმეთა სამინისტროს პრესსპიკერს, მარია ზახაროვას "რუსული ციფრული დიპლომატიის" დაჯილდოების ცერემონიალზე. მისი თქმით, ზახაროვა არ საჭიროებს წარდგენას, მან თავისი პროფესია "კოსმოსურ მასშტაბებში აიყვანა".

"ადამიანს, რომელიც ამ პრემიას მიიღებს, არ საჭიროებს წარდგენას, მაგრამ მე მაინც ვიტყვი: ის არა მხოლოდ მაგარი მოღვაწეა, რომელმაც პრაქტიკულად ხელახლა გამოიგონა თავისი პროფესია და ის რაღაც კოსმოსურ მასშტაბებში აიყვანა, არამედ ის არის ადამიანი, ქალი, რომელსაც ჩემს გულში სრულიად განსაკუთრებული ადგილი უჭირავს", — განაცხადა სოფიკო შევარდნაძემ დაჯილდოების ცერემონიაზე.

სამადლობელ სიტყვაში არც ზახაროვამ დაიშურა სოფიკო შევარდნაძის მისამართით კომპლიმენტები. მისი თქმით, ის პირველი იყო, ვინც რუსეთის საგარეო საქმეთა მინისტრ სერგეი ლავროვთან სელფი გადაიღო და ამის შემდეგ "ყველას სურს ლავროვთან ზუსტად ისეთი სელფის გადაღება".

"ჩვენ ერთად ვმუშაობთ. სხვათა შორის, სოფიკო შევარდნაძემ ბევრი რამით გაითქვა სახელი, მაგრამ ციფრულ სფეროში ის ცნობილი გახდა მას შემდეგ, რაც გადაიღო პირველი სელფი რუსეთის საგარეო საქმეთა მინისტრ სერგეი ლავროვთან ერთად. და ამის შემდეგ ჩვენ ნორმალური ცხოვრება შევწყვიტეთ, იმიტომ რომ ახლა ყველას უნდა მასთან ზუსტად ასეთივე სელფის გადაღება", — თქვა დაჯილდოების ცერემონიაზე ხაზაროვამ სამადლობელ სიტყვაში.

სნობისათვის, მარია ზახაროვამ პროექტისთვის "რუსული ციფრული დიპლომატია" IRI-ის ინტერნეტ კონტენტის ჯილდო მიიღო სპეციალურ კატეგორიაში "ძალა სიმართლეშია".