გირჩი — მეტი თავისუფლება ეროვნული ბანკის შენობასთან აქციას მართავს და რეგულაციის დარღვევით, ყავას 1 დოლარად ყიდის.

აქციის ერთ-ერთი მონაწილის თქმით, ამის მიზანია საზოგადოებამ დაინახოს ის, თუ რამდენად აბსურდული რეგულაციები არსებობს ქვეყანაში და როგორ ცდილობენ ჩაერიონ მოქალაქეების ეკონომიკურ ურთიერთობებში.

"დღევანდელი აქციის მიზანია საზოგადოებას დავანახოთ რამდენად აბსურდული რეგულაციები გვაქვს ქვეყანაში ფინანსური მიმართულებით და როგორ ცდილობენ ჩაერიონ ჩვენს ეკონომიკურ ურთიერთობებში. დღეს აქ შეგიძლიათ შეიძინოთ ყავა 1 დოლარად, რაც არის რეგულაციის დარღვევა, საქართველოს კანონმდებლობით, მხოლოდ ლარით შეგიძლიათ ანგარიშსწორება. გარდა ამისა, შეგიძლიათ გადაიხადოთ კრიპტო ვალუტით და ასევე, შეგიძლიათ ჩვენგან ისესხოთ ერთი დოლარი, რაც ასევე, რეგულაციის დარღვევა არის. მოქმედი რეგულაციის თანახმად, არ შეიძლება 200 000 ლარზე ნაკლების სხვა ვალუტაში გასესხება", — ამბობს ის.