გარდა პოზიტიური ბანერისა, წარწერით ახლოს, ვიდრე ოდესმე, ქუთაისიდან ჩასულ მგზავრებს ვილნიუსის აეროპორტში ტკბილეულებითა და ბორჯომით დახვდნენ.

საზოგადოებრივი მაუწყებლის ინფორმაციით, საქართველოს მოქალაქეებს ჯერ კიდევ თვითმფრინავში გამოუცხადეს, რომ მათ სიურპრიზი ელოდათ.

მგზავრებს აეროპორტში ვილნიუსის მერი, რემიგიუს შიმაშიუსიც, დახვდა.

"საქართველო იყო, არის და იქნება ევროპა" - მიმართა მან მგზავრებს ქართულ ენაზე.

ლიტვაში ევროკომისიის წარმომადგენლობის გვერდი ფეისბუკზე დახვედრის ამსახველ ვიდეოს აქვეყნებს.