ალერგოლოგ-იმუნოლოგი, ბიძინა კულუმბეგოვი ამბობს, რომ ყველა მოქალაქეს მობილურ ტელეფონში უნდა ჰქონდეს აპლიკაცია, სადაც ავტომატურად იქნება ასახული კოვიდდადებითია თუ არა.

"კარგი კოვიდ-პასპორტები არ გვინდა, ჩემთვის არაა გასაგები მაგრამ გავატაროთ. საქართველოს ყველა მოქალაქეს მობილურში უნდა ქონდეს აპლიკაცია, სადაც ავტომატურად იქნება მისი სტატუსი ასახული კოვიდ-დადებითია თუ არა, ამ აპლიკაციის გარეშე ვერ უნდა შედიოდე ვერსად ანუ სახლს ვერ უნდა ტოვებდეს ადამიანი. ეს იქნება მინიმალური წინ გადადგმული ნაბიჯი, რომ კოვიდიანი ხალხის საზოგადოებაში სიარული თავიდან ავირიდოთ. იქნებ ეს მინიმალური მაინც მოვახერხოთ.

პ.ს. ჩვენი მეზობელი ქვეყნის თურქეთის მაგალითია, ახალი გამოგონებები არაა საჭირო!", — წერს ის ფეისბუქგვერდზე.

25 ოქტომბრის მონაცემებით, საქართველოში კორონავირუსის 1 942 ახალი შემთხვევა დადასტურდა, გამოჯანმრთელდა 4 650, ხოლო გარდაიცვალა — 46 ადამიანი. ბოლო 24 საათში ქვეყნის მასშტაბით ჩატარდა 22 847 კვლევა ტესტით, მათ შორის ანტიგენის სწრაფი ტესტით — 13 643, ხოლო PCR-ით — 9 204. Stopcov.ge-ზე გამოქვეყნებული ინფორმაციის თანახმად დადებითობის დღიური მაჩვენებელი არის 8,5%, ბოლო 7 დღის — 9,05%, ხოლო 14 დღის — 9,04%.