მცხეთის რაიონის სოფელ მუხრანში PSP-ის ბრიტანული კონცეფციის აფთიაქი გაიხსნა. მომხმარებლებს ახალ აფთიაქში გარანტირებული ხარისხის მედიკამენტების გარდა, ბავშვთა კვების, მოვლისა და ევროპული კოსმეტიკის ძალიან ფართო არჩევანი დახვდება. ამასთან, მათ შესაძლებლობა ექნებათ ისარგებლონ ყველა შეთავაზებით, რომელსაც PSP საქართველოს მასშტაბით ყველა აფთიაქში სთავაზობს მომხმარებელს.

შეთავაზებებს შორისაა: ყველაზე დაბალი ფასები მედიკამენტებზე სამშაბათს, ოთხშაბათსა და პარასკევს; დამატებით 6%-იანი ფასდაკლება PSP-ის ბარათის მფლობელებისთვის; ყოველი თვის პირველიდან შვიდ რიცხვამდე სპეციალური შეთავაზებები ფრანგული ბრენდების კოსმეტიკურ პროდუქციაზე; "ბავშვთა დღეების" ფარგლებში სხვადასხვა საბავშვო პროდუქციაზე განსაკუთრებულად სარგებლიანი შეთავაზებები; 60+ ასაკის მოქალაქეებისთვის ყოველდღე საუკეთესო ფასები ქრონიკული დაავადებების სამკურნალო საშუალებებზე და ა.შ.

"PSP-ში ევროპული, გარანტირებული ხარისხის პროდუქტებზე ყველაზე დაბალი ფასებია და გვინდა ჩვენი ეს გზავნილი საქართველოს ყველა კუთხეში გადავცეთ ჩვენს მომხმარებლებს. მედიკამენტებზე ხელმისაწვდომობის გაზრდის მიზნით, მთელი საქართველოს მასშტაბით ვცდილობთ ქსელის განვითარებას, მუხრანის მოსახლეობას კი უკვე შეუძლია ჩვენი საინტერესო შეთავაზებებით სარგებლობა. ქსელის განვითარების პროცესი PSP-ს პანდემიის პირობებშიც არ შეუჩერებია. ოქტომბრის ბოლოს ახალი აფთიაქი გაიხსნება წალკაშიც და უკვე ამ მუნიციპალიტეტის მოსახლეობისთვისაც ხელმისაწვდომი გახდება გარანტირებული ხარისხის ათეულ ათასობით მედიკამენტი და პროდუქტი. 2021 წელს უკვე 27 ახალი აფთიაქი გავხსენით, ქსელის გაფართოების პროცესი კი კვლავ გრძელდება",— აცხადებენ PSP-ში.