საქართველოს ახალგაზრდა იუირისტთა ასოციაციის ინფორმაციით, ბათუმის #44 უბანზე საიას პერიმეტრის დამკვირვებელს — თემურ ირემაძეს ტელეფონი წაართვეს და დაემუქრნენ. აღნიშნული ფაქტი ასოციაციის მიერ გავრცელებულ ვიდეოში, 01:00 წუთიდან ჩანს.

"უბნის მიმდებარე ტერიტორიაზე მყოფი უცნობი პირის მხრიდან ადგილი ჰქონდა აგრესიას და ჯანმრთელობის დაზიანების მუქარას. მომხდარ ფაქტთან დაკავშირებით საიამ მიმართა შინაგან საქმეთა სამინისტროს", — ნათქვამია საიას პოსტში.

საქართველოს ახალგაზრდა იურისტთა ასოციაციას 2021 წლის 2 ოქტომბრის ადგილობრივი თვითმმართველობის არჩევნებზე ქვეყნის მასშტაბით 10 მუნიციპალიტეტში 350-მდე საოლქო და საუბნო დამკვირვებელი ჰყავს. 10:00-ისთვის კი 6 შემთხვევაზე 8 საჩივარი აქვს მომზადებული.