თბილისის სახელმწიფო უნივერსიტეტის სტუდენტების მოძრაობის აუდიტორია 115-ის წევრებმა თსუ-ს თვითმმართველობის ცენტრალური კაბინეტის შესასვლელი დაიკავეს.

აუდიტორია 115-ის თქმით, ისინი მიმდებარე ტერიტორიაზე ყოფნას მთელი ღამის განმავლობაში აპირებენ:

"არ მივცემთ სტუდენტური თვითმმართველობის წევრებს, რომ კვლავ გააგრძელონ თავიანთი საქმიანობა. უნივერსიტეტში ძალადობის ადგილი არ არის. ეს უნდა დამთავრდეს!"

აუდიტორია 115 პროტესტის ამ ფორმით დღის განმავლობაში მომხდარ დაპირისპირებას ეხმაურება, რომელშიც თვითმმართველობისა და აუდიტორია 115-ის წევრები მონაწილებდნენ. მათ ცოტა ხნის წინ განცხადებაც გაავრცელეს და სახელმწიფოს ულტიმატუმი წაუყენეს.