მომღერალ კახა ცისკარიძეს ბათუმის მერობა ისევ სურს. აჭარის ტელევიზიასთან საუბრისას ცისკარიძე ამბობს, რომ დამოუკიდებელი კანდიდატი იქნება და მისი პრიორიტეტი კულტურა და ხელოვნებაა.

"ჩამოვიარე ყველა პოლიტიკური პარტია ქვეყანაში და მივმართე ყველას, უფრო სწორად, ვალდებულად ჩავთვალე თავი მეთქვა ყველასთვის ჩემი იდეა, რომ მოეხსნათ თავისი კანიდატურა. [...]

მე ვიყავი, რომელმაც პრიორიტეტი პროგრამაში, პირველ რიგში, ჩადო კულტურა და ხელოვნება, რაზეც აგებულია უკვე სხვა დანარჩენი, ტურიზმი, მისვლა-მოსვლა, ინტერესი და ასე შემდეგ", — აცხადებს ის.

ცისკარიძე ხელმოწერებს ბათუმის ცენტრალური პარკის შესასვლელთან აგროვებს.

მერობა ცისკარიძემ 2017 წელსაც სცადა. მაშინ ის ამბობდა, რომ აქვს ვალი, რომელიც უნდა დააბრუნოს. "დღეს უკვე ხალხი საუბრობს იმაზე, რომ კახაბერი გახდეს კახა-მერი", — ამბობდა ცისკარიძე მაშინ.