პრემიერმინისტრი ირაკლი ღარიბაშვილი აცხადებს, რომ ხელისუფლებას ოპონენტები მხოლოდ პირად შეურაცხყოფებს უპირისპირებენ, თუმცა ამატებს, რომ "ვერც ამაში აჯობებენ". ეს განცხადება ღარიბაშვილმა ქართული ოცნების "მიღწევების" ჩამოთვლის შემდეგ გააკეთა.

"ჩვენი ოპონენტები რას გვიპირისპირებენ, მეგობრებო, შევხედოთ. არაფერს, გარდა პირადი შეურაცხყოფებისა. ვერც ამაში გვაჯობებენ, თუ მაინცდამაინც მოინდომებენ, მაგრამ ჩვენი ამოცანა ეს არ არის, ჩვენი ამოცანა უნდა იყოს და არის მოსახლეობაზე ზრუნვა, ქვეყნის გაძლიერება. ამიტომ, ერთის მხრივ, რა თქმა უნდა, ყველას და ყველაფერს საკადრისი პასუხი გაეცემა და სახელი დაერქმევა, მაგრამ არ უნდა დაგვავიწყდეს ჩვენი მთავარი საზრუნავი და დღის წესრიგი, რომ მოსახლეობაზე ვიზრუნოთ და მაქსიმუმი გავაკეთოთ მათთვის", — განაცხადა ირაკლი ღარიბაშვილმა.

პრემიერმინისტრმა დღეს ბოლნისის მერობის კანდიდატად დავით შერაზადიშვილი წარადგინა.

გაიგე მეტი: