მოძრაობა თავისუფლებისთვის-ევროპული საქართველო აცხადებს, რომ პარტია გირჩმა იცრუა, როდესაც თქვა, ევროპულმა საქართველომ რეფერენდუმის ჩატარების წინააღმდეგ მისცა ხმა.

"დღეს, ცენტრალური საარჩევნო კომისია განიხილავდა გირჩის მიერ წარმოდგენილ სარეფერენდუმო კითხვის რეგისტრაციის საკითხს. საკითხის განხილვის შემდეგ, ცესკომ უარი განაცხადა კითხვის რეგისტრაციაზე. აღნიშნულ კენჭისყრაზე სარეფერენდუმო კითხვის რეგისტრაციაზე უარის თქმის გადაწყვეტილებას მხარი არ დაუჭირა მოძრაობა თავისუფლებისთვის-ევროპული საქართველო წარმომადგენელმა დავით გურგენიძემ და მასთან ერთად კიდევ სამმა წევრმა. შესაბამისად, გირჩის თავმჯდომარის ზურაბ ჯაფარიძის მიერ გავრცელებული ინფორმაცია, რომ კენჭისყრაზე პარტიამ მოძრაობა თავისუფლებისთვის-ევროპული საქართველო რეფერენდუმის ჩატარების წინააღმდეგ მისცა ხმა არ შეესაბამება რეალობას და საზოგადოების შეცდომაში შეყვანის მცდელობაა" - აცხადებს პარტია.