პარლამენტის ვიცე-სპიკერი, ლევან იოსელიანი ამბობს, რომ ევროპული საბჭოს პრეზიდენტმა, შარლ მიშელმა ევროკავშირის დროშის დაწვასთან დაკავშირებით "ძალიან ნეგატიური" დამოკიდებულება გამოხატა. ასე უპასუხა მან ჟურნალისტის კითხვას, ისაუბრეს თუ არა მიშელთან შეხვედრისას 5 ივლისს განვითარებულ მოვლენებზე.

"მე ვერ ვიხსენებ, რომ 5 ივლისი მას ეხსენებინოს, თარიღი, მაგრამ, ევროკავშირის დროშის დაწვასთან დაკავშირებით მან გააკეთა კომენტარი [...] მისი დამოკიდებულება ამასთან დაკავშირებით იყო ძალიან ნეგატიური და იზიარებდა ჩვენს მოსაზრებას, რომ ეს არის სირცხვილი, რაც საქართველოში მოხდა — ორჯერ დაიწვა ევროკავშირის დროშა", — განაცხადა ლევან იოსელიანმა პალიტრანიუსის ეთერში.

5 და 6 ივლისს ჰომოფობიურმა ჯგუფებებმა ძალადობრივი კონტრაქციის დროს პარლამენტის წინ საქართველოს დროშის გვერდით აღმართული ევროკავშირის დროშა ორჯერ ჩამოხსნეს.

5 ივლის დროშის ადგილზე ჯვარი აღმართეს. მეორე დღეს ევროკავშირის დროშა ისევ ადგილზე იყო, მაგრამ აღმართვის შესახებ ინფორმაცია არ გავრცელებულა. 6 ივლისს დროშა ჰომოფობიურმა ძალებმა ისევ ჩამოხსნეს და დახიეს. მეორე დღეს კი ევროკავშირის დროშა პირადად პარლამენტის თავმჯდომარემ დააბრუნა ადგილზე.

გაიგე მეტი: