პრემიერმინისტრი ღარიბაშვილი ექპრემიერ გახარიაზე საუბრისას აცხადებს, რომ "ყველა ადამიანის ქმედებას გაეცემა საკადრისი პასუხი", თუმცა უცნობია, რა ქმედებას და რა პასუხს გულისხმობს ის. გახარიას შესახებ მან ჟურნალისტების კითხვის საპასუხოდ ისაუბრა.

"გახარიაზე რა უნდა გითხრათ, აბა? გუშინ გავაკეთეთ კომენტარი, ყველა ადამიანის ქმედებას გაეცემა საკადრისი პასუხი და ყველას და ყველაფერს დაერქმევა სახელი", — განაცხადა ღარიბაშვილმა.

მან გახარიაზე გუშინ, 22 მაისსაც ისაუბრა და აღნიშნა, რომ სურს "საერთოდ" გაიგოს, "რას აპირებს გახარია". ღარიბაშვილმა გუშინაც თქვა, რომ "ყველა ადამიანის ქმედებას მიეცემა შესაბამისი განმარტება და შეფასება, ყველას და ყველაფერს დაერქმევა თავისი სახელი".