ნაციონალური მოძრაობის თავმჯდომარის, ნიკა მელიას განცხადებით, ყველა შემთხვევაში, იქნება თუ არა ნაციონალური მოძრაობა პარლამენტში, ვინმეს თუ არაფერი არ უნდა უხაროდეს, ეს ირაკლი კობახიძეა.

"შეიძლება გაუმართლოს ბატონ ირაკლი კობახიძეს და ეს განცხადება, რომელიც მან გააკეთა, დაკმაყოფილდეს, ესეც შეიძლება, დავუშვათ, ხო? დაგველოდოს ბატონი ირაკლი. ყველა ვარიანტში, ვიქნებით თუ არა პარლამენტში, ვინმეს თუ არაფერი არ უნდა უხაროდეს, ბატონი კობახიძეა, რადგან მორალური უპირატესობა, პოლიტიკური უპირატესობაც და ბევრი სხვა უპირატესობაც უკვე მოპოვებული გვაქვს იმ ძალაზე, რომელსაც მიტაცებული აქვს მართვის სადავეები. მესმის მათი მღელვარების და მესმის მათი დარდის, რადგან მათ, უბრალოდ, აღარ შერჩათ რესურსი, თუნდაც ღირსეული, დამაჯერებელი ან ხვალინდელ დღეზე ორიენტირებული, მომავალზე კი არა, შორეულ პერსპექტივაზე ორიენტირებული, ხვალინდელ დღეზე ორიენტირებული განცხადება გააკეთონ მედიის წინაშე", — ამბობს მელია.

ქართული ოცნების თავმჯდომარის, ირაკლი კობახიძის განცხადებით, ქართული დემოკრატიისთის "ალბათ, უკეთესიც იქნება" თუ ნაციონალური მოძრაობა პარლამენტში წარმოდგენილი არ იქნება, თუმცა მისი თქმით, ეს პარტიის გადასაწყვეტია.