ევროპული საქართველოს მერობის კანდიდატს, აჰმედ იმამკულიევს მარნეულის მერიაში არ უშვებენ. მისი თქმით, რამდენიმე ახალგაზრდა, მათ შორის სამოქალაქო აქტივისტის, გიორგი მუმლაძის ძმა, მერიის დაქვემდებარებულმა საწარმომ უკანონოდ გაათავისუფლა სამსახურიდან.

"უკანონოდ გაუშვეს სამსახურიდან გიორგი მუმლაძის ძმა. რამდენიმე ახალგაზრდა ადამიანი, რომელსაც აქვს განსხვავებული აზრი, მათი ეშინიათ ჩვენს მერიას და როგორც მე საკრებულოს წევრი, მინდოდა, რომ იურისტთან და გიორგი მუმლაძესთან ერთად, სამივე ავიდეთ მერთან და დაველაპარაკო", — განაცხადა იმამკულიევმა.

მისი თქმით, მერიაში შესვლის მიზეზი არის იმის გაგება, თუ რატომ გაათავისუფლეს აღნიშნული პირები სამსახურიდან.