რუმინეთის, პოლონეთისა და თურქეთის საგარეო საქმეთა მინისტრებმა საქართველოსა და უკრაინის შესახებ ერთობლივი განცხადება გაავრცელეს.

"ჩვენ დავარწმუნეთ ჩვენი კოლეგები საქართველოსა და უკრაინაში, ჩვენი ქვეყნების განუხრელი ვალდებულების შესახებ, რომ მხარდაჭერა გამოუცხადონ და დახმარება გაუწიონ მათ.

ჩვენ კიდევ ერთხელ ვადასტურებთ ჩვენს მხარდაჭერას როგორც საქართველოსა და უკრაინის, დამოუკიდებლობის, სუვერენიტეტისა და ტერიტორიული მთლიანობის მიმართ, საერთაშორისოდ აღიარებულ საზღვრებში, ისე ორივე სახელმწიფოს ევრო-ატლანტიკური მისწრაფებების მიმართ", — ვკითხულობთ განცხადებაში, რომელსაც საქართველოს საგარეო საქმეთა სამინისტრო ავრცელებს.

უწყების ინფორმაციით, ეს განცხადება რუმინეთი-პოლონეთი-თურქეთის მინისტერიალის დასრულების შემდეგ გავრცელდა, სადაც მიწვეულები იყვნენ საქართველოსა და უკრაინაის საგარეო საქმეთა მინისტრებიც.