ყველა მშობლისთვის კარგად ნაცნობია, რომ შვილებთან ერთად გარეთ გასვლა ერთ დიდ თავგადასავალს უდრის: არასდროს იცი, როდის გაჯიუტდებიან და რა ახალ თავსატეხს მოიფიქრებენ, სახლში დაბრუნება კი არასდროს მოუნდებათ.

თურმე მსგავსი პრობლემა ცხოველებისთვისაც მტკივნეულად ახლობელია: აშშ-ში გადაღებულ ვიდეოში, რომელშიც დედა დათვი მანქანების სავალ გზაზე ბელების გადაყვანას დიდი ძალისხმევით ცდილობს, ბევრმა მშობელმა შეიძლება ამოიცნოს თავისი გასაჭირი.

ნახეთ ეს უზომოდ სახალისო ვიდეო და თავადვე დარწმუნდებით ამაში:

როგორც ვიდეოში ვხედავთ, გზაზე ორივე მხრიდან მოძრაობა გაჩერებულია, რათა დედა დათვმა თავისი ბელების მშვიდობიანად გადაყვანა შეძლოს, თუმცა ეს არც ისე მარტივი ამოცანა გამოდგა, ვიდრე ერთი შეხედვით ჩანს.

ოთხ ბელს შორის დედის მონდომებას წყალში ერთ-ერთი განსაკუთრებულად ყრის: დედას კუდში არ მიჰყვება, ბოძზე ცოცავს და უარესი — გზის გადაკვეთის შემდეგ ისევ უკან ბრუნდება.

მოკლედ, ვიცით ვინ არის ოჯახში ყველაზე ურჩი და ცელქი წევრი.

ვიდეო კონექტიკუტის შტატში გადაიღო ერთ-ერთ მგზავრმა, რომელიც აღნიშნულ ფაქტს შემთხვევით შეესწრო.

"ოთხი შვილის დედა ვარ და კარგად მესმის ამ დათვის", — განაცხადა მან.