ესპანეთის ნაკრების მწვრთნელმა, ლუის ენრიკემ საქართველო-ესპანეთის მატჩის შემდეგ გამართულ პრესკონფერენციაზე თქვა, რომ თუ ასე გააგრძელებს, ხვიჩა კვარაცხელიას დიდი კარიერა ელოდება.

"ძალიან ახალგაზრდაა, მაგრამ ეტყობა, რომ უკვე მაღალი ხარისხის ფეხბურთელია. თუ ასე გააგრძელებს, სავარაუდოდ, მას ძალიან დიდი კარიერა ექნება", — განაცხადა დასმული კითხვის საპასუხოდ ლუის ენრიკემ კვარაცხელიაზე.

ხვიჩა კვარაცხელია ესპანეთის ნაკრების კარში გატანილი ერთადერთი გოლის [44-ე წუთი] ავტორია. საქართველოს ეროვნული ნაკრები ესპანეთთან ანგარიშით 1:2 დამარცხდა.