ქართული ოცნების თავმჯდომარე, ირაკლი კობახიძე არ გამორიცხავს, რომ ნაციონალურმა მოძრაობამ თავის ოფისს თვითონ ესროლა. ამასთან, მას ჰგონია, რომ გამოძიება წარმატებით დასრულდება.

გარდა ამისა, ოპოზიციური პარტიის ოფისზე თავდასხმაზე საუბრისას კობახიძემ განაცხადა:

"ყოველთვის, როცა ვარდება ნაციონალური მოძრაობა მძიმე მდგომარეობაში, ხან საკუთარ ოფისებს წვავენ და ხან საკუთარ პლაკატებს ებრძვიან და ა.შ.".

ჟურნალისტის კითხვაზე თვითონ ესროლა თუ არა პარტიამ ოფისს, მან უპასუხა:

"რატომაც არა, სხვა ლოგიკა სად არის? ვის უნდა მოვიდა თავში ის, რომ ოპონენტმა ესროლოს ნაცმოძრაობის ოფისს... იმისთვის, რომ დღეს კითხვები ისმება იმასთან დაკავშირებით, რომ ნაცმოძრაობის პლაკატი დაჭრეს და ნაცმოძრაობას ერჩიან".

ენმ-ს განცხადებით, ოფისის კედელზე ჩამოკიდებულ ნიკა მელიას ბანერს დღეს თეთრი ქამრიდან ესროლეს. მათი განცხადებით, რამდენიმე გასროლა განხორციელდა. შინაგან საქმეთა სამინისტრომ გამოძიება უკვე დაიწყო.