საზოგადოებრივ-პოლიტიკური გადაცემების შენარჩუნების მოთხოვნით მოქალაქეები თსუ-ის მეექვსე კორპუსთან შეიკრიბნენ და საზოგადოებრივი მაუწყებლის შენობამდე მსვლელობას მოაწყობენ.

აქცია მწვანე მუშტის ორგანიზებით, მეორედ, ეწყობა. დემონსტრანტები მიიჩნევენ, რომ არსებულ მედია გარემოში, საზოგადოებრივ მაუწყებელს პრინციპული მნიშვნელობა ენიჭება. მათი აზრით, ინსტიტუტის მოწყობა და სამომავლო გეგმები სრულად უნდა ემთხვეოდეს საზოგადოებრივ ინტერესებს, ახალი დირექტორის გეგმა კი არ პასუხობს მოსახლეობის მოთხოვნებსა და საჭიროებებს:

"საზმაუს რიგი ტოქშოუების დახურვით, ჩვენ ირგვლივ მოქმედი თავისუფალი სადისკუსიო სივრცეების რაოდენობა კიდევ უფრო მეტად შემცირდება. შედეგად, დემოკრატიული პროცესი მხოლოდ პარტიულ და კომერციულ მედიაზე დამოკიდებული გახდება."

"ტელევიზიის მნიშვნელოვანი ნაწილს გაჩერება საზმაუს თანამშრომელთა უმრავლესობისთვის სამუშაოს გარეშე დარჩენას ნიშნავს. თანამშრომლები უმძიმეს სოციალურ პირობებში აღმოჩნდებიან, არსებულ მძიმე მდგომარეობაზე პასუხისმგებლობა ეკისრება და მთელი ამ სიმძიმის ტვირთმა უნდა გადაიაროს უდანაშაულო ჟურნალისტებსა და პროფესიონალურად მომზადებულ გადაცემებზე, რაც ასევე მიუღებელია ჩვენთვის." - ვკითხულობთ ფეისბუკ ივენთში.

მაუწყებლის ახალი გენერალური დირექტორი, ვასილ მაღლაფერიძე, 2018 წლამდე ყველა გადაცემის დახურვას გეგმავს, მოამბის გარდა.