შინაგან საქმეთა მინისტრობის კანდიდატს, ვახტანგ გომელაურს, პარლამენტში მინისტრთა კაბინეტის წევრობის კანდიდატთა მოსმენის შემდეგ, ჟურნალისტმა ჰკითხა, როგორ შეაფასებს მომავალ მთავრობას. გომელაურმა ასე უპასუხა:

"ისეთი კითხვაა... რა თქმა უნდა, კარგად, ცუდს ხომ არ ვიტყვი, ელემენტარულად, ხო? ძალიან კარგი მთავრობა გვყავს, ერთ-ერთი წევრი მე ვარ. მეხუმრებოდნენ მეგობრები, ნაცნობები, რამდენჯერ უნდა დაგამტკიცოთ შენო. მე-9 წელია, ნუ... 2015 წლიდან სულ მიწევს და ხშირად მიწევს დამტკიცება", — თქვა გომელაურმა.

მან პრემიერმინისტრობის კანდიდატი, ირაკლი ღარიბაშვილიც შეაფასა და თქვა, რომ ის გამოცდილი კადრი, კარგი და პროფესიონალი ადამიანია და "კარგად წარუძღვება გუნდს".