პარლამენტის ყოფილმა წევრმა და ამჟამად პარტია თავისუფალი საქართველოს იმერეთის ორგანიზაციის ხელმძღვანელმა გოგი წულაიამ, ქუთაისში, ასათიანის ქუჩაზე პერფორმანსი მოაწყო. ინფორმაციას ქუთაისი პოსტი ავრცელებს.

მან დაზიანებულ საავტომობილო გზაზე, რომელზეც დიდი გუბე იყო, "ითევზავა" და ამ გზით გააპროტესტა შესაკეთებელი გზა.

"მინდა ხელისუფლებას მადლობა გადავუხადო, რომ ასეთი ეზოები მოაწყო, გააშენეს და იჭერენ თევზებს, ხალხი გახარებულია, კიდევ ვთხოვთ ხელისუფლებას აუზები დაგვიმატოს. კანეცი ამის არის იცით რა? ვაი ჩვენს პატრონს! ამას მხოლოდ იუმორით თუ შეხედავს ადამიანი" - განაცხადა გოგი წულაიამ.

ქუთაისი პოსტის ინფორმაციით, აღნიშნულ ქუჩაზე გზის საფარი გაზაფხულამდე არ აღდგება.