პარტია მოქალაქეების ლიდერის, ალეკო ელისაშვილის განცხადებით, აინტერესებს რას ფიქრობს პარლამენტის თავმჯდომარე, არჩილ თალაკვაძე. მისი თქმით, დღეს, თალაკვაძის ანგარიშის წარდგენისას ის დასვამს კითხვებს იმის შესახებ, თუ რამდენად აპირებს პარლამენტის თავმჯდომარ0ე, "ქამრები შემოუჭიროს" მთავრობას.

"ჩემთვის ყველაზე მნიშვნელოვანია, რას ფიქრობს პარლამენტის თავმჯდომარე. აპირებს თუ არა შემოუჭიროს მთავრობას, მათ შორის პარლამენტსაც ქამრები. ამ უშველებელ შენობაში კარგია მუშაობა, კომფორტულად. მაგრამ გარეთ სულ სხვა რეალობა გვაქვს. სულ სხვა ქართული რეალობა, სადაც ძალიან უჭირს ხალხს. ამაზე მაინტერესებს ყველაზე მეტად",— განაცხადა მან.

მისი თქმით, მთავარი პოლიტიკური ორგანო საპარლამენტო სახელმწიფოში სწორედ პარლამენტია, შესაბამისად, მან "მკაცრად უნდა მოსთხოვოს" პასუხი მთავრობას.

დღეს, პარლამენტის თავმჯდომარე არჩილ თალაკვაძე პარლამენტს ყოველწლიურ ანგარიშს წარუდგენს.