გირჩის ერთ-ერთმა ლიდერმა, ზურაბ ჯაფარიძემ განაცხდა, რომ ელენე ხოშტარიასნაირი თავისუფალი და გულწრფელი ადამიანების ფუფუნება ქართულ პოლიტიკას არ აქვს.

"ჩემი აზრით, ელენესნაირი თავისუფლებისა და გულწრფელობის ხარისხით ადამიანები ქართულ პოლიტიკაში ძალიან ცოტა არიან, მაგის ფუფუნება არ გვაქვს და კარგია, რომ პოლიტიკაში რჩება და აქტიურობას აპირებს. წარმატებას ვუსურვებ, რა პლატფორმაზეც არ უნდა შეჩერდეს, მნიშვნელოვანი რაღაცების შესრულება შეუძლია", — განაცხადა ზურაბ ჯაფარიძემ.

ელენე ხოშტარიამ პარტია ევროპული საქართველო დატოვა. ამის შესახებ პარტიაში გამართულ ბრიფინგზე თავად განაცხადა. მისი თქმით, პარტიაში დაპირისპირება არ ყოფილა, შესაბამისად, ეს არ გახმდარა ამ გადაწყვეტილების მიზეზი.

"მივიღე გადაწყვეტილება დავიწყო დამოუკიდებელი პოლიტიკური ცხოვრება, არ გადავდივარ სხვა პარტიაში და ძალიან მყარად ვრჩები ოპოზიციურ ერთობაში. არც კი განვიხილავ პარლამენტში შესვლას და ჩემი პოზიცია რჩება იგივე. მაქვს ახალი გეგმები პოლიტიკურ ცხოვრებაში, ახალი პლატფორმის და პოლიტიკური ძალის შექმნა", — განაცხადა ხოშტარიამ.

ელენე ხოშტარია 2016-2020 წლებში საქართველოს მე-9 მოწვევის პარლამენტის წევრი იყო. 2017 წელს ევროპულმა საქართველომ თბილისის მერობის კანდიდატად წარადგინა. რაც შეეხება 2020 წლის საპარლამენტო არჩევნებს, აქ ხოშტარია ვაკის მაჟორიტარულ ოლქში ოპოზიციის დეპუტატობის კანდიდატი იყო.