ირანში სიკვდილით დასაჯეს ოპოზიციონერი ჟურნალისტი რუჰოლა ზამა, რომელსაც უცხო ქვეყნის დაზვერვასთან თანამშრომლობაში სდებდნენ ბრალს.

ის 12 დეკემბერს, დილით ჩამოახრჩვეს. ოთხი დღით ადრე უზენაესმა სასამართლომ სასჯელის შემსუბუქებაზე უარი უთხრა.

რუჰოლა ზამი ირანში ერთ-ერთი ცნობილი აქტივისტი იყო, რომელმაც ტელეგრამ არხი Amad News შექმნა, სადაც ხელისუფლების მაკრიტიკებელი მასალები ქვეყნდებოდა. გარდა ამისა, ის აქტიურად აშუქებდა 2017 წლის საპროტესტო მოძრაობებს.

ირანის სასამართლომ დაადგინა, რომ ზამი ანტისამთავრობო ქმედებებს ეწოდა და აშშ-ს, საფრანგეთისა და ისრაელის სამსახურებთან თანამშრომლობდა. როგორც ირანის ხელისუფლება აცხადებს, ჟურნალისტი მოქალაქეებს აქციებში მონაწილეობისკენ აქეზებდა.

რუჰოლა ზამი წლების განმავლობაში საფრანგეთში ცხოვრობდა, სადაც პოლიტიკური თავშესაფარი მიიღო. 2019 წელს ის ირანის სამსახურებმა გაიტაცეს, სავარაუდოდ, ერაყიდან, სადაც ის ექსკლუზიური ინტერვიუს მიღებისთვის ჩაიტყუეს.