ყოფილი მორაგბისა და ქართული ოცნების ახალი დეპუტატის, დავით კაჭარავას განცხადებით, მთელი ქვეყნისთვის სამწუხაროა, რომ დღეს ქართული ოცნება პარლამენტში მარტოა. ასე გამოეხმაურა ის ოპოზიციის ბოიკოტს მე-10 მოწვევის პარლამენტის პირველ დღეს.

"ეს უხერხულობა მთელი საქართველოს უხერხულობაა და ის, რომ საქართველოს პარლამენტში დღეს მარტო ზის, ეს სამწუხაროა მთელი საქართველოსთვის", — განაცხადა კაჭარავამ.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ.

გაიგეთ რას ფიქრობენ ქართული ოცნების სხვა დეპუტატები ერთპარტიულ პარლამენტზე: