ნაციონალური მოძრაობის წევრი, თინა ბოკუჩავა ამბობს, რომ პარლამენტში შესვლასთან დაკავშირებით მისი პარტიის პოზიცია ცნობილია და სხვა პარტიების ნაცვლად ვერ ისაუბრეს.

დღეს, 8 დეკემბერს ელჩებთან მოლაპარაკებების მეოთხე რაუნდი უნდა გაიმართოს. შეხვედრამდე რამდენიმე საათით ადრე ლელოს ოფისში ოპოზიციის ლიდერები შეიკრიბნენ.

როგორც ბოკუჩავა ამბობს, შეხვედრაზე მათ პარლამენტში შესვლა/არშესვლის საკითხი არ განიხილავს.

"მე არ ვაპირებ არავის მაგივრად ვისაუბრო. ერთიანი ნაციონალური მოძრაობის პოზიცია, რა თქმა უნდა, იცით. ეს იყო შეხვედრა იმისთვის, რომ კიდევ ერთხელ შეჯერებული პოზიციით წავიდეს ოპოზიცია შეხვედრაზე, რასაც მივაღწიეთ და ასეთი იქნება ოპოზიციის ერთობლივი საკითხები, რაზეც ამდენი კვირაა ვსაუბრობთ", — განაცხადა ბოკუჩავამ.

მისივე თქმით, მნიშვნელოვანია, რომ ელჩების შუამავლობით გამართული მოლაპარაკებები საჯარო იყო, რაზეც ოპოზიციამ შეხვედრის დროს იმსჯელა.