ვიცე პრემიერის მაია ცქიტიშვილის თქმით, არჩევნები იმდენად მნიშვნელოვანი იყო მოქალაქეებისთვის, რომ მძიმე პანდემიისა და ეკონომიკური კრიზისის მიუხედავად არჩევნებზე ხმის მისაცემად მაინც მივიდნენ. ამის შესახებ რუსთავი 2-ის ეთერში ისაუბრა.

"ეს არჩევნები მნიშვნელოვანი იყო იმ თვალსაზრისითაც, რომ ეს იყო პირველი არჩევნები, სადაც პრაქტიკულად სრულად პროპორციულ სისტემაზე გადავდოთ, ეს არჩევნები იყო, რომელშიც 9 პარტიამ გაიმარჯვა და 2 მილიონზე მეტი ამომრჩეველი მოვიდა არჩევნებზე. ეს ადასტურებს თუნდაც იმას, რომ არჩევნები პანდემიის პირობებშიც, მძიმე ეკონომიკური კრიზისის პირობებში, ჩვენი მოქალაქეებისთვის იმდენად მნიშვნელოვანი იყო, რომ ისინი მივიდნენ არჩევნებზე. ჩვენ აუცილებლად უნდა ჩაგვეტარებინა ეს არჩევნები სწორად, გამართულად და ეპიდემიოლოგებთან ერთად", — განაცხადა მაია ცქიტიშვილმა.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა.