იუსტიციის ყოფილი მინისტრის, თეა წულუკიანის თქმით, ის "გამოუსწორებელი ოპტიმისტია" და იმედი აქვს, რომ ოპოზიციას პარლამენტში იხილავს. ამის შესახებ მან რუსთავი 2-ის ეთერში ისაუბრა.

"მე გუნდში გამოუსწორებელ ოპტიმისტად მიცნობდნენ და დღესაც ასეთი ვარ. იმედს არ ვკარგავ, რომ მათ [ოპოზიციის] პასუხებს არა მხოლოდ ამ ეთერში, არამედ პარლამენტშიც მოვისმენთ და თუნდაც მწვავე დებატები გვექნება ქვეყნისთვის სასიცოცხლო საკითხებზე", — განაცხადა წულუკიანმა.

ოპოზიციის წარმომადგენლები 31 ოქტომბერს ჩატარებული არჩევნების შედეგებს არ აღიარებენ და საპარლამენტო მანდატებზე უარს აცხადებენ. მათ, ასევე, უარი თქვეს 21 ნოემბერს დაგეგმილ მეორე ტურში მონაწილეობაზეც.