ოპოზიციის ბიუჯეტიდან დაფინანსების შესახებ, ევროპული საქართველოს ლიდერმა გიგი უგულავამ, ირაკლი კობახიძე შეურაცხმყოფელი სიტყვებით მოიხსენია.

"კანონის მიხედვით, მათ შორის, იმ კანონის მიხედვით, რაც ზარ-ზეიმით მიიღო ბატონმა კობახიძემ, პარტიების დაფინანსება არ არის პარლამენტის მოღვაწეობის ფორმატში არამედ იმ ხმების რაოდენობაზეა, რაც მიიღეს პარტიებმა. მეორე, დაახვიოს კობახიძემ ეს თავის კანონი... და აღარ გავაგრძელებ მერე. თუ კობახიძეს ჰგონია, რომ პარტიული დაფინანსებით დააშანტაჟებს ვინმეს... ხო ბრიყვი ღლაპია, მაგრამ კიდევ უფრო მეტ ფსკერზე ყოფილა, ვიდრე საზოგადოებას წარმოედგინა", — განაცხადა უგულავამ.

ოპოზიციის წარმომადგენლები 31 ოქტომბერს ჩატარებული არჩევნების ლეგიტიმაციას არ ცნობენ და საპარლამენტო მანდატებზე უარს ამბობენ. არც ერთი პარტია, რომელმაც 1%-იანი ბარიერი გადალახა, პარლამენტში არ შედის.

პარლამენტის თავმჯდომარის, არჩილ თალაკვაძის განცხადებით, თუ ოპოზიცია პარლამენტში არ შევა, მაშინ ხალხის განწყობას დააკვირდებიან და ოპოზიციურ პარტიების დაფინანსებაზე შესაბამისად იმსჯელებენ.

ქართული ოცნების აღმასრულებელი მდივნის, ირაკლი კობახიძის თქმით, ოპოზიციურ პარტიებს რამდენიმე მილიონი აქვთ დახარჯული წინასაარჩევნოდ, ამიტომ მათ პირდაპირ ინტერესშია, რომ პარლამენტში შევიდნენ.