საინფორმაციო სააგენტოს, ინტერპრესნიუსი ინფორმაციით, იუსტიციის ყოფილი მინისტრი და ქართული ოცნების პარტიული სიის მე-4 ნომერი, თეა წულუკიანი შესაძლოა პრემიერმინისტრის პოსტზე წარადგინონ. სააგენტო აცხადებს, რომ აღნიშნული ინფორმაცია არაოფიციალურია და სახელისუფლო პარტიაში ამაზე ჯერ მხოლოდ კულუარულად საუბრობენ.

ინტერპრესნიუსის განცხადებით, მათ ინფორმირებულმა წყარომ უთხრა, რომ წულუკიანის კანდიდატურა პარლამენტის პირველი ვიცე-სპიკერის პოსტზე განიხილებოდა, თუმცა ასევე მის პრემიერ-მინისტრად წარდგენაზეა საუბარი.

თეა წულუკიანმა იუსტიციის მინისტრის თანამდებობა 29 სექტემბერს დატოვა, 27 ოქტომბერს კი განაცხადა, რომ აღნიშნულ პოსტზე არ დაბრუნდება და იქნება პარლამენტში.